Ye kaunsi manzilon ki taraf le jaa rahi hai zindagi

Ye kaunsi manzilon ki taraf le jaa rahi hai zindagi
Ye chala rahi hai, chal raha hun
Ye khwab dikha rahi hai, dekh raha hun
Ye jagati hai, jaag raha hun

Ye kaunsi manzilon ki taraf le jaa rahi hai zindagi
Ise vishwas chahiye, de raha hun
Ise tyaag chahiye, kar raha hun
Ise aag chahiye, jhulas raha hun

Ye kaunsi manzilon ki taraf le jaa rahi hai zindagi
Ye harati hai, lad raha hun
Ye girati hai, uth raha hun
Ye nakamyaabi hai, koshish hun

Ye kaunsi manzilon ki taraf le jaa rahi hai zindagi
Ise pyaar chahiye, karta hun
Ise junoon chahiye, deewana hun
Ise intzaar chahiye, karta hun

Like