Badlaav

Kabhi samay yun badal jata hai,

Ki har apna dur ho jata hai,

Apne bhi hokar reh jaate hain paraaye,

Roz rehte hain hriday main kitne gham samaye

Badlaav ki kaisi chali ye lehar,

Phaila jaise rag rag main kala gehra zehar,

Na badalna chahe mann, na sweekare mann

Pal pal bojhil sa hota ye jeewan

Paribhashit nahi hota ashru ka behna,

Pratipal badta hai dard sehna,

Saathi ab anjaan begaane,

Kal tak the sab jaane pehchaane

Koi na laa paaye phirse wo kal,

Kaise bhoolen beete hue pal?

Khudko aage padega chalana,

Beet gaya wo purana zamana

Ab apna ban khudko hi samjhana

Band hoga tabhi rona-rulana

Kal ka dehan karke, jalana hai beeta kal

Nirmit karna hoga ek naya kal

Tabhi peeda hogi kam,

Shayad fir nahi hoga hridya nam

Chal padna hai ek nayi dagar

Peechhe mudna nahi hai magar…