Ghamon se hi kyun likhi jaa rahi hai meri ye kahaani..
kyun dil ko sata rahi hai koi na koi pareshani
ankhon ka sagar sukhta kyun nahi...
sukh usme kahin dubta kyun nahi
kho chuki kyun hai meri wo muskaan,
kab bharunga main ek unchi udaan
nahi sahi jaati manzil se ye doorie
bata na khuda kya hai teri majboori
kaisa aalam hai kaisi hai ye tanhayee
khushiyon ne kyun ki hai bewafai
kahan hai wo muskan wo khushi wo hansi,
kahan atak kar khilkhilahat hai fansi
pal pal khud se uthta vishwaas
bujh rahi hai jeene ki pyaas
cheel kauwwon sa har pal cheer raha mera maans
kab akhir band hogi ye meri saans
koi nahi is jahaan main mera na koi dagar hai
shareer main baaki saansen magar hain
is sab pe bhi ek ummeed ki lehar hai
shayad baaki mujhpar koi mehar hai
No comments:
Post a Comment