Gar Arjun hun, to teji se saadhun roz nishana,
Machhli band kar leti nayanan ko, deke koi bahana..
Der-andher na jaanu ishwar, roz prayaas karvao,
Meri nayya beech bhanwar main, ab to paar karao...
Nain mere ab dukhan laage, ashru-neer bahaun
tanik nazar ghumao tum jo, main ab tumko paun
duje ki jalti kutiya se na kabhi ki hai glaani,
jo shaastra kahe the tumne, bas wahi varta maani
sone, heere, panne ke kangan jab khankaaye duniya saari
maine har mansha,abhilasha, har aas mann se utari
kyun nayanan main neer bharo tum, kyun pal-pal chita jalao?
mujhko itni shakti dedo, har sankat dur bhagao..
Tirthankar bankar jo tumne kitne sankat the jhele,
ab jeewan main aaye ishwar, dukh ke kaise mele?
Vriddhi ki paawan wo seedhi har roz ho dikhaate,
paas bulakar dur bhagate, kyun ho itna satate?
No comments:
Post a Comment