Tu muskura, neela aasmaan aanchal sa ban jaaye,
Suraj ki ye laalima sindoor si saj jaaye,
Badalon ki chanchalta teri zulfon si udd jaaye
Panchhiyon ki udaanen, jaise sapno ko sajayen
Tu muskura, suraj ki kiranen tujhse badhti jaaye,
Teri khushi ki garmi, pattiyon ka ahaar ban jaaye
Duniya ko chala tu apni, sawri, sajti jaaye
Subah se lekar shaam sehar tak sapne rang bhar paayen
Tu muskura, koyal si vaani banti jaaye,
Chehre ki chamak jaise phoolon ko chhu jaaye,
Har roz khushi ki dagar par aage badhta jaaye
Bhavre bhi laalach kar, tujhpe lapakne aayen
Tu muskura, chhajje ki raunaq teri muskaan banaye,
Tere khilkhilaane se nadiyaan kal kar beh jaayen
Teri ankhon ki chamak dilon main basti jaaye,
Sundarta ki paribhasha, ek din tujhse likhi jaaye!
No comments:
Post a Comment