Ankhon main ek tasveer teri banayi thi
Mandir main, pyari murat sajayi thi
Khandit, khud ko hi, kyun kar dia?
Kyun, meri aastha ko dandit kar dia?
Meri Ankhon se chhalakte ashru, madhu samajhke peete ho
mano ya na mano, ghut ghut ke tum bhi jeete ho
Dhadhakti aag ko, roz sulghaate ho
Dard main, dua ke saath, tum bhi kyun yaad aate ho?
mujhpar hote hamlon main, haath tera chhupa hai
sabse gehra ghav, tune hi bas kiya hai
lakeer kismat ki mita ke ishwar, kya jeewan tune buna hai
tune to sookhma jeewan ko, rui ki tarah dhuna hai...
Saans saans ki bhajnawaliyan, ban gayi ab hathkadiyan
murjha gai is pulkit mann ki, khilti hui phuljhadiyan
jeet jhuth ki, sabit kar di, kaise pal ye aaye?
mera hridaya bhasm kiya hai, mann ab na ro paaye
Toot chuki astha aur himmat, baaqi reh kya gaya hai?
bikhra hua ye dil mera, chubh har qatra raha hai
kaise pohchaun, shabd ye antim, waqt ka palda bhaari
tujhpar yun vishwas karke, baten suni kadvi-khaari...
Sthapit karne wale ka, dum ghot jaate ho
mujhe pratadit kar ke, tum kya paate ho?
Swapn mandir ki murat, kaise toot gai hai
mujhse, meri pehchan hi jaise, rooth hai...
No comments:
Post a Comment